എസ്.എസ്.എൽ.സി പരീക്ഷയിൽ ഉന്നത വിജയം നേടിയ വിദ്യാർഥികളെ അനുമോദിച്ച് എം.എസ്.എഫ് വളാഞ്ചേരി മുൻസിപ്പൽ കമ്മിറ്റി

വളാഞ്ചേരി:എസ്.എസ്.എൽ.സി പരീക്ഷയിൽ ഉന്നത വിജയം നേടിയ വളാഞ്ചേരി മുന്സിപ്പാലിറ്റിയിലെ മുഴുവൻ വിദ്യാർഥികൾക്കും എം.എസ്.എഫ് മുൻസിപ്പൽ കമ്മിറ്റിയുടെ നേതൃത്വത്തിൽ അനുമോദിച്ചു. മുൻസിപ്പൽ മുസ്ലീം ലീഗ് പ്രസിഡന്റ് അഷ്റഫ് അമ്പലത്തിങ്ങലിന്റെ സാന്നിധ്യത്തിൽ കോട്ടക്കൽ മണ്ഡലം മുസ്ലീം ലീഗ് പ്രസിഡന്റ് അബു യൂസുഫ് ഗുരുക്കൾ വിദ്യാർഥികളെ ആദരിച്ച് പരിപാടിക്ക് തുടക്കം കുറിച്ചു. എം.എസ്.എഫ് കോട്ടക്കൽ മണ്ഡലം ട്രഷറർ ഒ.പി റഹൂഫ്, യഹിയ, അൻവർ മുളമുക്കിൽ, സഫുവാൻ മാരാത്ത്, ടി.കെ മുനവ്വിർ, എ.പി ഫാരിസ്, ആഷിഖ് എം, മർഷദ്, സുഹൈൽ കെ.കെ, സഫുവാൻ ടി.പി എന്നിവർ പങ്കെടുത്തു.