ജി.പി.എസ്: നിലപാട് തിരുത്തണമെന്ന് എം.ടി.യു

വളാഞ്ചേരി: ജി.പി.എസ്. ഘടിപ്പിച്ചാലേ വാഹനങ്ങൾക്ക് ഫിറ്റ്‌നസ് നൽകുകയുള്ളൂ എന്ന മോട്ടോർ വാഹന വകുപ്പിന്റെ നിലപാട് തിരുത്തണമെന്ന് വളാഞ്ചേരി മോട്ടോർ തൊഴിലാളി യൂണിയൻ (എം.ടി.യു.) ആവശ്യപ്പെട്ടു.

ഇന്ധനവിലയും ഇൻഷൂറൻസ് പ്രീമിയവും ക്രമാതീതമായി വർധിപ്പിച്ചതിനുപിന്നാലെയാണ് ജി.പി.എസ്. ഘടിപ്പിക്കുന്നതുമായി ബന്ധപ്പെട്ട പുതിയനിയമം കൂടി അടിച്ചേൽപ്പിക്കുന്നതെന്നും പ്രസിഡന്റ് പി. സൈതാലിക്കുട്ടി ഹാജി, ജനറൽ സെക്രട്ടറി വി.പി. ഹംസ എന്നിവർ പറഞ്ഞു.