കോളേജ് യൂണിയൻ ഭാരവാഹികൾക്ക് സ്വീകരണം നൽകി മാറാക്കര പഞ്ചായത്ത് മുസ്‌ലിം യൂത്ത്‌
മാറാക്കര : കാലിക്കറ്റ് സർവകലാശാലാ കോളേജ് യൂണിയൻ തിരഞ്ഞെടുപ്പിൽ വിവിധ ക്യാമ്പസുകളിൽ നിന്ന് എം.എസ്.എഫ്. പ്രതിനിധികളായി വിജയിച്ച മാറാക്കര പഞ്ചായത്തിലെ വിദ്യാർഥി യൂണിയൻ നേതാക്കളെ മുസ്‌ലിം യൂത്ത്‌ലീഗ് മാറാക്കര പഞ്ചായത്ത് കമ്മിറ്റി അനുമോദിച്ചു. എ.സി. നിരപ്പ് സി.എച്ച്. സെന്ററില ശിഹാബ് തങ്ങൾ കോൺഫ്രൻസ് ഹാളിൽ നടന്ന ചടങ്ങിൽ ജില്ലാ പഞ്ചായത്ത് മെമ്പർ ബഷീർ രണ്ടത്താണി ഉപഹാരം നൽകി. പുറമണ്ണൂർ മജ്‌ലിസ് കോളേജ് ചെയർ പേഴ്സൺ അമൽ ജമീല, മരവട്ടം ഗ്രെയ്‌സ്‌വാലി കോളേജ് യു.യു.സി. കെ.കെ. റജീൽ, വളാഞ്ചേരി എം.ഇ.എസ്.കെ.വി.എം. കോളേജ് കൊമേഴ്സ് അസോസിയേഷൻ സെക്രട്ടറി പി.കെ. ഫറാസ്, മമ്പാട് എം.ഇ.എസ്. കോളേജിലെ സെക്കൻഡ് ഇയർ പ്രതിനിധി ആദിൽ മുബാറക് എന്നിവരെയാണ് അനുമോദിച്ചത്. യൂത്ത്‌ ലീഗ് പഞ്ചായത്ത് പ്രസിഡന്റ് എ.പി. ജാഫറലി അധ്യക്ഷത വഹിച്ചു.
മുസ്‌ലിംലീഗ് പഞ്ചായത്ത് ജനറൽ സെക്രട്ടറി അബൂബക്കർ തുറക്കൽ, ഒ.കെ. സുബൈർ, എ.പി. മൊയ്തീൻകുട്ടി, ടി.പി. കുഞ്ഞുട്ടി ഹാജി, എ.പി. അബ്ദു, ജുനൈദ് പാമ്പലത്ത്, ജംഷാദ് കല്ലൻ, കെ.പി. ഫൈസൽ, അഡ്വ. എ.കെ. സകരിയ്യ, എന്നിവർ സംസാരിച്ചു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
