ഇരിമ്പിളിയം ഗ്രാമപ്പഞ്ചായത്ത് വൈസ് പ്രസിഡന്റായി എൻ. മുഹമ്മദിനെ തിരഞ്ഞെടുത്തു
ഇരിമ്പിളിയം ഗ്രാമപ്പഞ്ചായത്ത് വൈസ് പ്രസിഡന്റായി എൻ. മുഹമ്മദി(യു.ഡി.എഫ്-ജനതാദൾ)നെ തിരഞ്ഞെടുത്തു. യു.ഡി.എഫ്. ധാരണയനുസരിച്ച് പ്രവീണരാജു (കോൺ) രാജിവെച്ചതിനെത്തുടർന്നാണ് തിരഞ്ഞെടുപ്പ് നടന്നത്. എൻ. മുഹമ്മദിന് പത്തും എൽ.ഡി.എഫ്. സ്ഥാനാർഥി കെ.പി.എ. സത്താറിന് ആറും വോട്ടുകൾ കിട്ടി. 12-ാം വാർഡ് അംഗമാണ് മുഹമ്മദ്. ഗ്രാമപ്പഞ്ചായത്ത് പ്രസിഡന്റ് വി.കെ. റജുല സത്യവാചകം ചൊല്ലിക്കൊടുത്തു. കുറ്റിപ്പുറം ഉപജില്ലാ വിദ്യാഭ്യാസ ഓഫീസർ ഗീതാലക്ഷ്മി വരണാധികാരിയായി.
തുടർന്ന് അനുമോദനയോഗം നടന്നു. കോട്ടയ്ക്കൽ നിയോജകമണ്ഡലം മുസ്‌ലിംലീഗ് പ്രസിഡന്റ് സി.എച്ച്. അബൂയൂസഫ് ഗുരുക്കൾ ഉദ്ഘാടനംചെയ്തു. കെ.ടി. മൊയ്തു അധ്യക്ഷനായി.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
