കാൻസർ രോഗികൾക്കായി കേശദാനം നടത്തി പൈങ്കണ്ണൂരിൽ നിന്നൊരു ഏഴാം ക്ലാസുകാരി

വളാഞ്ചേരി: കാൻസർ രോഗികൾക്കായി മുടി മുറിച്ച് നൽകി ഏഴാം ക്ലാസുകാരി വി.കെ.നഷ്‌വ. വളാഞ്ചേരി പാണ്ടികശാല സ്വദേശിയായ വടക്കേക്കര ഫൈറോസ് അബൂബക്കറിന്റെയും നിഷ ഫൈറോസിന്റെയും മകളായ ഈ മിടുക്കി കടകശ്ശേരി ഐഡിയൽ ഇംഗ്ലീഷ് സ്‌കൂൾ വിദ്യാർത്ഥിനിയാണ്. കാൻസർ രോഗികൾക്ക് മുടി മുറിച്ച് ദാനം ചെയ്യുന്ന ചിത്രങ്ങൾ പത്രങ്ങളിലും സോഷ്യൽ മീഡിയകളിലും കണ്ടതോടെയാണ് എന്തുകൊണ്ടും തനിക്കും ഇത്തരത്തിൽ ദുരിതം ചെയ്തുകൂടേയെന്ന ചിന്ത ന‌ഷ്വയിലെത്തിയത്. ബ്ലഡ് ഡൊണേഷൻ ഒഫ് കേരളക്ക് വേണ്ടി വളാഞ്ചേരിയിലെ പാലിയേറ്റീവ് വൊളന്റിയറായ സൈഫുദ്ദീൻ പാടത്ത് മുഖേന തൃശൂർ അമല ഹോസ്പിറ്റലിലേക്ക് മുടി എത്തിക്കുമെന്ന് പാലിയേറ്റീവ് പ്രവർത്തകർ പറഞ്ഞു.