വിനായക ചതുർഥി: വടക്കുമ്പ്രം സി.കെ. പാറ നൈതലപ്പുറം ധർമശാസ്താ ക്ഷേത്രത്തിൽ നവഗ്രഹപൂജ നടത്തി

എടയൂർ: വടക്കുമ്പ്രം സി.കെ. പാറ നൈതലപ്പുറം ധർമശാസ്താ ക്ഷേത്രത്തിൽ വിനായകചതുർഥി ആഘോഷിച്ചു. അഷ്ടദ്രവ്യ ഗണപതിഹോമവും സിദ്ധിവിനായക വിശേഷാൽപൂജ എന്നിവ നടന്നു. നവഗ്രഹദോഷ ശാന്തിക്കായി നവഗ്രഹപൂജയും നടന്നു. മേൽശാന്തി മേപ്പാട്ടില്ലത്ത് ശാസ്തൃശർമൻ കാർമികത്വം വഹിച്ചു. രാവിലെ ആറിനാരംഭിച്ച നവഗ്രഹപൂജ ഒമ്പതിന് സമാപിച്ചു. പ്രസാദ വിതരണവുംനടത്തി.