നീരുറവ് നീർത്തടാധിഷ്ഠിത വികസനപദ്ധതിയുടെ ഭാഗമായി എടയൂരിൽ നീർച്ചാൽ നടത്തം സംഘടിപ്പിച്ചു

എടയൂർ: എടയൂർ ഗ്രാമപ്പഞ്ചായത്ത് ഗ്രാമീണ തൊഴിലുറപ്പ് പദ്ധതിയുടെ ഭാഗമായി നീരുറവ് നീർത്തടാധിഷ്ഠിത വികസനപദ്ധതി തയ്യാറാക്കുന്നതിന് മുന്നോടിയായി നീർച്ചാൽ നടത്തം സംഘടിപ്പിച്ചു. പുന്നാംചോല നീർത്തടത്തിൽ അമ്പലസിറ്റി തെറ്റിയോട് തോട്പരിസരത്ത് ഗ്രാമപ്പഞ്ചായത്ത് വൈസ് പ്രസിഡന്റ് കെ.പി. വേലായുധൻ ഉദ്ഘാടനം ചെയ്തു. സ്ഥിരംസമിതി അധ്യക്ഷ ലൂബി റഷീദ് അധ്യക്ഷത വഹിച്ചു. ബ്ലോക്ക് പഞ്ചായത്ത് ബി.ഡി.ഒ. ഹരിദാസ്, ജോയിന്റ് ബി.ഡി.ഒ. ഷിൽജി, വി.ഇ.ഒ. മഞ്ജുഷ, മുഹമ്മദ് തുടങ്ങിയവർ പ്രസംഗിച്ചു.