ന്യൂ ഇന്ത്യ ലിറ്ററസി പ്രോഗ്രാം; കുറ്റിപ്പുറം പഞ്ചായത്ത് തല പ്രവേശനോത്സവം സംഘടിപ്പിച്ചു
കുറ്റിപ്പുറം: കേന്ദ്ര -കേരള സർക്കാർ സംയുക്തമായി നടത്തുന്ന ന്യൂ ഇന്ത്യ ലിറ്ററസി പ്രോഗ്രാം കുറ്റിപ്പുറം പഞ്ചായത്ത് തല പ്രവേശനോത്സവം സംഘടിപ്പിച്ചു. ഗ്രാമപഞ്ചായത്ത് പ്രസിഡന്റ്‌ ഫസീന അഹമ്മദ് കുട്ടി ഉദ്ഘാടനം നിർവഹിച്ചു. വാർഡ് 19 കഴുത്തല്ലൂർ ആബിദിയ്യ മദ്രസ്സയിൽ വെച്ച് നടന്ന ചടങ്ങിൽ വാർഡ് മെമ്പർ റമീന കെ. വി (വികസന സ്റ്റാന്റിംഗ് കമ്മറ്റി ചെയർ പേഴ്സൺ) അദ്ധ്യക്ഷത വഹിച്ചു. ആരോഗ്യ വിദ്യാഭ്യാസ സ്റ്റാന്റിംഗ് കമ്മറ്റി ചെയർമാൻ സയ്യിദ് ഫസൽ അലി സക്കാഫ് തങ്ങൾ, ക്ഷേമകാര്യ സ്റ്റാന്റിംഗ് കമ്മറ്റി ചെയർ പേഴ്സൺ റിജിത ഷലീജ് തുടങ്ങിയവർ ആശംസകൾ അർപ്പിച്ചു സംസാരിച്ചു .പ്രേരക് യൂ.വസന്ത സ്വാഗതം പറഞ്ഞു. ചടങ്ങിൽ RP സെലീന, വളണ്ടറി ടീച്ചർമാരായി കണ്ടെത്തിയ ബീനാസ്, നമീറ, രാധ. വി, ലൈല. വി. പി, നാഫിയ തുടങ്ങിയവരും സന്നദ്ധ പ്രവർത്തകരായ താജുദ്ധീൻ, എം പി എം ബഷീർ തുടങ്ങിയവരും നേതൃത്വം നൽകി.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
