പുതിയ ലോഗോയുമായി ‘ഫേസ് വളാഞ്ചേരി’; പ്രകാശനം നടത്തി

വളാഞ്ചേരി : കാലാനുസൃതമായ മാറ്റങ്ങൾ ഉൾകൊണ്ട് ഫേസ് വളാഞ്ചേരി UAE അതിൻ്റെ പരിഷ്കരിച്ച ലോഗോയുടെ പ്രകാശനം നടത്തി. വളാഞ്ചേരി മുനിസിപ്പാലിറ്റിയിൽ വെച്ച് ഇന്ന് നടന്ന ചടങ്ങിൽ മുനിസിപ്പൽ ചെയർമാൻ അഷ്‌റഫ് അമ്പലത്തിങ്ങൽ പ്രകാശനം നിർവഹിച്ചു. മുൻസിപ്പൽ പ്രതിപക്ഷ നേതാവ് അച്യുതൻ, വിദ്യാഭ്യാസ സ്റ്റാന്റിംഗ് കമ്മറ്റി ചെയർമാർ മുജീബ് വാലാസി, ആരോഗ്യ സ്റ്റാന്റിംഗ് കമ്മറ്റി ചെയർമാൻ മണി മാരാത്ത്, ഫേസ് വളാഞ്ചേരിയുടെ മുൻ ഭാരവാഹിയും എഴുത്തുകാരനും സാമൂഹ്യ പ്രവർത്തകനുമായ മുനവർ പാറമ്മൽ, ഫേസ് പ്രതിനിധിയും സംരംഭകനുമായ പി കെ എച് ഹംസ, ഫേസ് വളാഞ്ചേരിയുടെ മുൻ പ്രതിനിധിയും രക്ഷാധികാരിയുമായിരുന്ന സൈദാലി പുളിക്കപ്പറമ്പിൽ, എക്സിക്യൂട്ടീവ് അംഗം ഹംസ ചോലക്കാട്ടിൽ, ഹാറൂൻ കരുവാട്ടിൽ എന്നിവർ പ്രകാശന ചടങ്ങിൽ സംബന്ധിച്ചു.