പരമ്പരാഗത മേഖലയെ സംരക്ഷിക്കമെന്നാവശ്യപ്പെട്ട് ഒ.ബി.സി. മോർച്ച വളാഞ്ചേരി വില്ലേജ് ഓഫീസിനു മുന്നിൽ ധർണ നടത്തി

വളാഞ്ചേരി: കുലത്തൊഴിൽ ഉപജീവനമാക്കിയ പരമ്പരാഗത മേഖലയെ സംരക്ഷിക്കണമെന്നാവശ്യപ്പെട്ട് ഒ.ബി.സി. മോർച്ച വളാഞ്ചേരിയിലും കാവുംപുറത്തും പ്രതിഷേധ ധർണ സംഘടിപ്പിച്ചു. വളാഞ്ചേരിയിൽ വില്ലേജ് ഓഫീസിനുമുന്നിൽ നടന്ന ധർണ ഒ.ബി.സി. മോർച്ച ജില്ലാപ്രസിഡന്റ് കെ.ടി. അനിൽകുമാർ ഉദ്ഘാടനം ചെയ്തു. കെ.വി. മണികണ്ഠൻ അധ്യക്ഷത വഹിച്ചു. പി.പി. സുരേഷ്, ശിവദാസ്, സി.പി. മോഹനൻ എന്നിവർ നേതൃത്വം നൽകി. കാവുംപുറത്ത് ഒ.ബി.സി. മോർച്ച ജില്ലാസെക്രട്ടറി വിജയകുമാർ കാടാമ്പുഴ ഉദ്ഘാടനം ചെയ്തു. പി. ഭാവനകുമാർ അധ്യക്ഷത വഹിച്ചു. പ്രസാദ് കഞ്ഞിപ്പുര, വിജയൻ കാവുംപുറം എന്നിവർ പങ്കെടുത്തു.