കക്കാട് റോഡിൽ വീണ ഓയിലിൽ വാഹനങ്ങൾ തെന്നി രണ്ട് പേർക്ക് പരിക്ക്

കക്കാട്: ദേശീയപാത 66ലെ കക്കാട് ജംഗ്ഷണിൽ റോഡിൽ പരന്ന ഓയിലിൽ തെന്നി വീണ് രണ്ട് ബൈക്ക് യാത്രക്കാർക്ക് പരിക്കേറ്റു. ഇന്ന് പുലർച്ചെ 12:30 ഓടെയാണ് സംഭവം. ഏതോ വലിയ വാഹനത്തിൽ നിന്ന് ഒഴുകിയ ഓയിൽ റോഡിൽ പരക്കുകയായിരുന്നു.

ഓയിലിൽ വഴുക്കി വീണ ഇരുചക്രവാഹന യാത്രക്കാരെ ഉടൻ തിരൂരങ്ങാടി അശുപത്രിയിൽ പ്രവേശിപ്പിച്ചു. ഇവരുടെ പരിക്ക് ഗുരുതരമല്ലെന്ന് അറിയുന്നു. കെ ഇ ടി പ്രവർത്തകൻ ഫൈസൽ താണിക്കലിന്റെ നേതൃത്വത്തിൽ ഫയർ ഫോഴ്സിനെ വിവരമറിയിക്കുകയും, മറ്റു വാഹനങ്ങൾ അപകടത്തിൽ പെടാതിരിക്കാനുള്ള കാര്യങ്ങളും ചെയ്തു.