പെരുമ്പറമ്പ് മൂടാൽ ജി.എൽ.പി സ്കൂളിൽ വിപുലമായി ഓണം ആഘോഷിച്ചു

കുറ്റിപ്പുറം: പെരുമ്പറമ്പ് മൂടാൽ ജി.എൽ.പി.സ്കൂളിലെ ഓണാഘോഷം പരിപാടികളുടെ ഉദ്ഘാടനം വാർഡ് മെമ്പർ പി പ്രിയ നിർവഹിച്ചു. പ്രധാന അധ്യാപിക വി.എ അനില ടീച്ചർ അധ്യക്ഷത വഹിച്ചു.

പ്രളയ ദുരിതാശ്വാസ സംഭാവനയായ “കുഞ്ഞുകൈത്താങ്ങ്” പ്രവർത്തനോദ്ഘാടനം സ്കൂൾ പി.ടി.എ. പ്രസിഡണ്ട് പി ദേവനാഥൻ നിർവഹിച്ചു. പൂക്കള മത്സരവും ഓണക്കളികളും നടന്നു. വിഭവസമൃദ്ധമായ ഓണസദ്യയും ഉണ്ടായിരുന്നു.