ഇരിമ്പിളിയം പഞ്ചായത്തിൽ ഓണച്ചന്ത ആരംഭിച്ചു

ഇരിമ്പിളിയം: ഇരിമ്പിളിയം ഗ്രാമ പഞ്ചായത്തിന്റേയും കൃഷിഭവന്റേയും ആഭിമുഖ്യത്തിൽ ഓണച്ചന്ത ആരംഭിച്ചു. വലിയ കുന്നിൽ ആരംഭിച്ച ഓണച്ചന്ത ആബിദ് ഹുസൈൻ തങ്ങൾ എം.എൽ.എ ഉദ്ഘാടനം ചെയ്തു. ഇരിമ്പിളിയം ഗ്രാമ പഞ്ചായത്തിന്റേയും കൃഷിഭവന്റേയും ആഭിമുഖ്യത്തിലാണ് വലിയകുന്ന് പഞ്ഞനാട്ട് കുളത്തിന് സമീപം ഓണച്ചന്ത ആരംഭിച്ചത്. കർഷകരിൽ നിന്നും ഉത്പന്നങ്ങൾ നേരിട്ടെടുത്ത് കുറഞ്ഞ വിലയിൽ വിൽപ്പന നടത്തുകയാണ് . കെ.മാനുപ്പ മാസ്റ്റർ അധ്യക്ഷത വഹിച്ചു. വികസന കാര്യ സ്റ്റാന്റിങ്ങ് കമ്മറ്റി ചെയർമാൻ വി.ടി. അമീർ, ആരോഗ്യ കാര്യ സ്റ്റാന്റിങ്ങ് കമ്മറ്റി ചെയർമാൻ എൻ. മുഹമ്മദ്, ബ്ലോക്ക് പഞ്ചായത്തംഗം പി.സി.എ നൂർ, പഞ്ചായത്തംഗങ്ങളായ ടി.പി മെറീഷ്, മുഹമ്മദലി, ഷഹനാസ് കൃഷി ഓഫീസർ മഞ്ജു മോഹൻ തുടങ്ങിയവർ പങ്കെടുത്തു.