എഴുത്തു ലോട്ടറി; കുറ്റിപ്പുറത്ത് ഒരാൾ അറസ്റ്റിൽ

കുറ്റിപ്പുറം : മൂന്നക്ക എഴുത്തുലോട്ടറി നടത്തിയിരുന്നയാളെ കുറ്റിപ്പുറം പോലീസ് അറസ്റ്റുചെയ്തു. മാങ്ങാട്ടൂർ സ്വദേശി സുമേഷി(28)നെയാണ് അറസ്റ്റുചെയ്തത്. സമാനകേസിൽ ഇയാൾക്കെതിരേ മുൻപും കേസെടുത്തിരുന്നു. എഴുത്തുലോട്ടറി വിൽപ്പന നടത്തിയ വകയിൽ ലഭിച്ച 38,000 രൂപയും പിടിച്ചെടുത്തു.

വീണ്ടും കുറ്റകൃത്യങ്ങളിൽ ഏർപ്പെടാതിരിക്കാൻ ആർ.ഡി.ഒ. കോടതി മുഖേന ജാമ്യം എടുപ്പിക്കുമെന്നും കടയുടെ ലൈസൻസ് റദ്ദാക്കാൻ പഞ്ചായത്തധികൃതരോട് ആവശ്യപ്പെടുമെന്നും പോലീസ് അറിയിച്ചു.