വട്ടപ്പാറയിൽ മൂന്ന് വാഹനങ്ങൾ കൂട്ടിയിടിച്ച് ഒരാൾക്ക് പരിക്ക്

വളാഞ്ചേരി: ദേശീയപാത 66ലെ വട്ടപ്പാറയിൽ രണ്ട് കാറുകളും ബൈക്കും കൂട്ടിയിടിച്ച് ബൈക്ക് യാത്രക്കാരന് പരിക്കേറ്റു. വളാഞ്ചേരി ഭാഗത്തേക്ക് വരികയായിരുന്ന ഹ്യുണ്ടായി ഗ്രാൻ്റ് ഐ10 നിയോസ് കാറിലും യ്മഹ എഫ് സെഡ് ബൈക്കിലും തലശ്ശേരിയിലേക്ക് പോവുകയായിരുന്ന കുടുംബം സഞ്ചരിച്ച ബി.എം.ഡബ്യു 530ഡി കാറിടിക്കുകയായിരുന്നു. വട്ടപ്പാറ മേലെ പള്ളിക്കടുത്തുള്ള വളവിൽ ചൊവ്വാഴ്ച രാത്രി 8 മണിയോടെയായിരുന്നു സംഭവം. ഹൈവേ പോലീസെത്തി മേൽ നടപടികൾ സ്വീകരിച്ചു. അപകടത്തെ തുടർന്ന് അരമണിക്കൂറോളം ഗതാഗത തടസ്സം നേരിട്ടു. പരിക്കേറ്റയാളെ വളാഞ്ചേരിയിലെ സ്വകാര്യ അശുപത്രിയിൽ പ്രവേശിപ്പിച്ചു.