ഓപ്പറേഷൻ കുബേര: കുറ്റിപ്പുറത്ത് ഒരാൾ പിടിയിൽ
കുറ്റിപ്പുറം : വാഹന വായ്പയുടെ മറവിൽ പലിശ ഇടപാട് നടത്തിയ സംഭവത്തിൽ ബൈക്ക് വിൽപ്പനകേന്ദ്രത്തിന്റെ ഉടമ അറസ്റ്റിൽ. തവനൂർ കടകശ്ശേരി വെളുത്തപറമ്പിൽ അബ്ദുൽ ഗഫൂറിനെയാണ് (46) കുറ്റിപ്പുറം പോലീസ് പിടികൂടിയത്. തിരൂർ റോഡിൽ പ്രവർത്തിക്കുന്ന സ്വകാര്യ ബൈക്ക് വിൽപ്പനകേന്ദ്രത്തിൽ ഓപ്പറേഷൻ കുബേരയുടെ ഭാഗമായി നടത്തിയ റെയ്ഡിലാണ് ഇയാൾ പിടിയിലാകുന്നത്. പരിശോധനയിൽ അമ്പതോളം ചെക്ക് ലീഫുകളും നിരവധി മുദ്രപത്രങ്ങളും വാഹനങ്ങളുടെ ആർ.സി. ബുക്കുകളും കണ്ടെടുത്തു. അമിത പലിശയ്ക്കാണ് ഇയാൾ വാഹന വായ്പ നൽകിയിരുന്നത്. വലിയ രീതിയിൽ പലിശ ഈടാക്കി പണം കടം നൽകിയിരുന്നെന്ന പരാതിയിലാണ് റെയ്ഡ് നടത്തിയത്. ഇയാൾ പിടിയിലായ വിവരമറിഞ്ഞ്‌ നിരവധി പേർ പരാതികളുമായി പോലീസിനെ സമീപിക്കുന്നുണ്ട്.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
