മദ്യപാനത്തിനിടെ വാക്തര്‍ക്കം; ഒരാള്‍ക്ക് കുത്തേറ്റു
കുറ്റിപ്പുറം: മദ്യപാനത്തിനിടെയുണ്ടായ വാക്തര്‍ക്കം സംഘട്ടനത്തില്‍ കലാശിച്ചു. ഒരാള്‍ക്ക് കുത്തേറ്റു. കാഞ്ഞിരക്കുറ്റി പാട്ടുപറമ്പില്‍ കണ്ടനകത്തുപറമ്പില്‍ നന്ദനനാണ് (40) കുത്തേറ്റത്. ഇയാളെ പെരിന്തല്‍മണ്ണയിലെ സ്വകാര്യ ആസ്പത്രിയില്‍ പ്രവേശിപ്പിച്ചു.
നന്ദനനെ കുത്തിപ്പരിക്കേല്‍പ്പിച്ച കൂരട സ്വദേശി ശങ്കരന്‍കുട്ടിയെ(47)കുറ്റിപ്പുറം പോലീസ് കസ്റ്റഡിയിലെടുത്തിട്ടുണ്ട്.
ചൊവ്വാഴ്ച വൈകീട്ട് 6.30ഓടെ തവനൂര്‍ റോഡ് ജങ്ഷനിലാണ് സംഭവം. സമീപത്തെ കള്ളുഷാപ്പില്‍നിന്ന് ഇരുവരും മദ്യപിച്ചിരുന്നു. ഇതിനിടെയുണ്ടായ വാക്തര്‍ക്കമാണ് ഷാപ്പിനുപുറത്തുവെച്ച് അടിപിടിയില്‍ കലാശിച്ചത്. സംഘട്ടനത്തിനിടെ ശങ്കരന്‍കുട്ടി മദ്യക്കുപ്പിപൊട്ടിച്ച് നന്ദനനെ കുത്തുകയായിരുന്നുവെന്ന് പോലീസ് പറഞ്ഞു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
