ബെംഗളൂരു-പെരിന്തല്‍മണ്ണ വോള്‍വോ ബസ് മറിഞ്ഞ് ഒരാള്‍ മരിച്ചു
മൈസുരു: ബെംഗളുരുവില്‍ നിന്ന് പെരിന്തല്‍മണ്ണയിലേക്ക് വരികയായിരുന്ന വോള്‍വോ ബസ് അപകടത്തില്‍ പെട്ട് ഒരാള്‍ മരിച്ചു. രണ്ടുപേര്‍ക്ക് പരിക്കേറ്റു. വെള്ളിയാഴ്ച പുലര്‍ച്ചെയാണ് കല്ലടയുടെ ബസ് അപകടത്തില്‍ പെട്ടത്. കോഴിക്കോട് വഴി പെരിന്തല്‍മണ്ണയിലേക്ക് പോകുന്ന ബസാണ് ഇത്. ബന്ദിപ്പൂര്‍ വനമേഖലയില്‍ രാത്രിയാത്രാ നിരോധനമുള്ളതിനാല്‍ ഹുന്‍സൂര്‍-മാനന്തവാടി വഴിയാണ് ബസ് പോകുന്നത്.
ഹുന്‍സൂരില്‍ വെച്ചാണ് അപകടമുണ്ടായത്. വീതി കുറഞ്ഞ ഒരു പാലത്തിലൂടെ സഞ്ചരിക്കുന്നതിനിടയില്‍ എതിര്‍വശത്ത് നിന്ന് കാര്‍ വന്നപ്പോള്‍ നിയന്ത്രണം വിട്ട ബസ് വൈദ്യുതപോസ്റ്റില്‍ ഇടിച്ച് മറിയുകയായിരുന്നു. അപകടത്തില്‍ പരിക്കേറ്റ മൂന്നുപേരെ ഉടന്‍ ആശുപത്രിയില്‍ പ്രവേശിപ്പിച്ചു. ഇതില്‍ മൈസുരു കെ.ആര്‍ ആശുപത്രിയില്‍ പ്രവേശിപ്പിച്ച വ്യക്തിയാണ് മരിച്ചത്. കോഴിക്കോട് സ്വദേശിയായ ഒരു സ്ത്രീയാണ് മരിച്ചതെന്നാണ് പ്രാഥമിക വിവരം. എന്നാല്‍ മൈസുരു പോലീസ് അവരുടെ പേരോ വിലാസമോ സ്ഥിരീകരിച്ചിട്ടില്ല.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
