പൈങ്കണ്ണൂരിൽ ഉമ്മൻചാണ്ടി കൾച്ചറൽ സെന്റർ തുറന്നു

വളാഞ്ചേരി : പാവങ്ങളുടെ പ്രയാസങ്ങൾ പരിഹരിക്കുക ലക്ഷ്യമിട്ട് പൈങ്കണ്ണൂർ നിരപ്പിൽ ഉമ്മൻചാണ്ടി കൾച്ചറൽ സെന്റർ പ്രവർത്തനം തുടങ്ങി. ചാണ്ടി ഉമ്മൻ എം.എൽ.എ. ഉദ്ഘാടനംചെയ്തു. സ്വന്തമെന്നതിനപ്പുറം മറ്റുള്ളവർക്കുകൂടി ഉപകാരപ്പെടുന്നവിധം എല്ലാവരും ജീവിതത്തെ ക്രമപ്പെടുത്തിയാൽ സമൂഹത്തിലെ പ്രശ്നങ്ങൾ പരിഹരിക്കപ്പെടുമെന്ന് അദ്ദേഹം പറഞ്ഞു. ഡി.സി.സി. പ്രസിഡന്റ് വി.എസ്. ജോയ് അധ്യക്ഷത വഹിച്ചു. മധുസൂദനൻ, അഷറഫ് അമ്പലത്തിങ്ങൽ, മുഹമ്മദ് പാറയിൽ, ഉമറലി കരേക്കാട്, കെ.വി. ഉണ്ണിക്കൃഷ്ണൻ, റംല മുഹമ്മദ്, കൗൺസിലർ ഷാഹിന റസാഖ്, മഠത്തിൽ ശ്രീകുമാർ തുടങ്ങിയവർ പ്രസംഗിച്ചു. ഉന്നതവിജയം നേടിയവരെ അനുമോദിച്ചു.