ഒന്നര കോടി രൂപ ചിലവിൽ പൈങ്കണ്ണൂർ ക്ഷേത്രത്തിന്റെ ചുറ്റമ്പലം പുനർനിർമാണം: ശിലാന്യാസം ഏഴിന്

വളാഞ്ചേരി: പൈങ്കണ്ണൂർ ക്ഷേത്രസമുച്ചയത്തിൽ വിഷ്ണുക്ഷേത്രത്തിന്റെ ചുറ്റമ്പലം പുനർനിർമാണം ശിലാന്യാസം ഏഴിന്. രാവിലെ എട്ടിനു തന്ത്രി കാലടി പടിഞ്ഞാറേടത്ത് മനയ്ക്കൽ ശങ്കരൻ ഉണ്ണിനമ്പൂതിരിപ്പാടിന്റെ കാർമികത്വത്തിലാണ് ചടങ്ങുകൾ. തച്ചുശാസ്ത്രവിദഗ്ധൻ കാണിപ്പയ്യൂർ കുട്ടൻ നമ്പൂതിരിപ്പാടിന്റെ രൂപകൽപന പ്രകാരമാണ് നിർമാണം. ഒന്നര കോടി രൂപ ചെലവു പ്രതീക്ഷിക്കുന്ന ചുറ്റമ്പലനിർമാണം തിരുനാവായ ഷൺമുഖന്റെ നേതൃത്വത്തിലാണ് തുടങ്ങുന്നത്.