കുറ്റിപ്പുറം ഗ്രാമ പഞ്ചായത്ത് വൈസ് പ്രസിഡൻറായി പരപ്പാര സിദ്ധീഖിനെ തിരഞ്ഞെടുത്തു

കുറ്റിപ്പുറം: കുറ്റിപ്പുറം ഗ്രാമ പഞ്ചായത്തിൻ്റെ വൈസ് പ്രസിഡൻ്റായി കുറ്റിപ്പുറം ആറാം വാർഡ് മെമ്പർ പരപ്പാര സിദ്ധീഖ് സാഹിബിനെ തിരഞ്ഞെടുത്തു. കുറ്റിപ്പുറം ഗ്രാമ പഞ്ചായത്ത് ഹാളിൽ വെച്ച് നടന്ന തിരഞ്ഞെടുപ്പിൽ എട്ടിനെതിരെ പതിനാല് വോട്ടുകൾ നേടിയാണ് വിജയിച്ചത്. യു ഡി ഫ് പതിനാലും എൽ ഡി എഫ് എട്ടും അംഗങ്ങളാണ് നിലവിലുള്ളത് പതിനഞ്ചംഗ യു ഡി എഫ് ഭരണസമിതിയിൽ പ്രസിഡൻ്റായിരുന്ന റംല കറത്തൊടിയിൽ മരണപ്പെട്ടതിനെ തുടർന്ന് വന്ന പ്രസിഡൻ്റ് ഒഴിവിലേക്ക് യു ഡി എഫ് മുൻധാരണ പ്രകാരം കോൺഗ്രസ്സിനുള്ള ഒരു വർഷം ഇപ്പോൾ കൊടുത്തതിനെ തുടർന്ന് കോൺഗ്രസ്സിൻ്റെ വൈസ് പ്രസിഡൻ്റ് രാജിവെക്കുകയായിരുന്നു. ഭരണതലത്തിൽ ഏറെ പരിജയ സംബന്നനായ പരപ്പാര സിദ്ധീഖ് കുറ്റിപ്പുറം പഞ്ചായത്ത് മുസ്ലിം ലീഗ് ജനറൽ സെക്രട്ടറിയാണ്. കഴിഞ്ഞ ഭരണസമിതിയിലും വൈസ് പ്രസിഡൻ്റ് സ്ഥാനം വഹിച്ചിട്ടുണ്ട്.