വി.കെ. ശ്രീകണ്ഠന് വിവിധയിടങ്ങളിൽ സ്വീകരണം നൽകി
പട്ടാമ്പി: നിയുക്ത പാലക്കാട് എം.പി. വി.കെ. ശ്രീകണ്ഠന് യു.ഡി.എഫിന്റെ നേതൃത്വത്തിൽ വിവിധയിടങ്ങളിൽ സ്വീകരണം നൽകി. ബുധനാഴ്ച രാവിലെ വിളയൂരിൽനിന്നാണ് സ്വീകരണം തുടങ്ങിയത്. തുടർന്ന് മുളയൻകാവ്, വല്ലപ്പുഴ ഗെയ്റ്റ്, ഓങ്ങല്ലൂർ, മേലെ പട്ടാമ്പി, മുതുതല, കൊപ്പം എന്നിവിടങ്ങളിലെ സ്വീകരണങ്ങൾക്കുശേഷം വൈകീട്ട് തിരുവേഗപ്പുറയിൽ സമാപിച്ചു. നിയുക്ത എം.പി. വി.കെ. ശ്രീകണ്ഠന് വിളയൂർ കരിങ്ങാനാട്, മുളങ്കാവ് എന്നിവിടങ്ങളിൽ സ്വീകരണം നൽകി. വി.കെ. ശ്രീകണ്ഠൻ വോട്ടർമാർക്ക് നന്ദിയറിയിച്ചു.
കരിങ്ങനാട്ട് നടന്ന യോഗത്തിൽ വി.പി. ഉസ്മാൻ അധ്യക്ഷനായി. മുൻ എം.എൽ.എ. സി.പി. മുഹമ്മദ്, വി. അഹമ്മദ്കുഞ്ഞി, പി.കെ. ഗോപിനാഥൻ, ഹുസൈൻ കണ്ടേങ്കാവ്, നീലടി സുധാകരൻ, സി.പി. ഹരിദാസൻ തുടങ്ങിയവർ സംസാരിച്ചു. മുളയങ്കാവിൽനടന്ന സ്വീകരണയോഗത്തിൽ കെ.എസ്.ബി.എ. തങ്ങൾ, മുഹമ്മദാലി മാറ്റാംതടം, സി.പി. മുഹമ്മദ്, കെ. അബ്ദുൾകരീം തുടങ്ങിയവർ സംസാരിച്ചു.
Summary: VK srikantan gets welcome at various places of palakkad constituency
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
