വോൾട്ടേജ് ക്ഷാമവും അപ്രഖ്യാപിത കറന്റ് കട്ടും; വെണ്ടല്ലൂർ സ്കൂൾപടി-അമ്പലപ്പടി പ്രദേശത്തെ ജനങ്ങൾ ദുരിതത്തിൽ

വോൾട്ടേജ് ക്ഷാമവും അപ്രഖ്യാപിതകറന്റ് കട്ടും കാരണം വെണ്ടല്ലൂർ സ്കൂൾപടി – അമ്പലപ്പടി പ്രദേശത്തെ ജനങ്ങൾ ദുരിതത്തിൽ. പ്രസ്തുത പ്രശ്നം പരിഹാരത്തിനായി വെണ്ടല്ലൂർ പറമ്പത്ത് കാവിന് സമീപം ഒരു പുതിയ ട്രാൻസ്ഫോർമർ സ്ഥാപിക്കണമെന്നും അപ്രഖ്യാപിത പവർകട്ട് ഒഴിവാക്കണമെന്നും ആവശ്യപ്പെട്ട് വെണ്ടല്ലൂർ കോൺഗ്രസ് കമ്മിറ്റി മുഖേന നൂറ് കണക്കിന് പ്രദേശവാസികൾ ഒരു വർഷം മുമ്പ് ഒപ്പിട്ട് സമാഹരിച്ച നിവേദനത്തിന് അധികൃതർ തുടരുന്ന നിസംഗതയിൽ പ്രതിഷേധിച്ച് “വിവരാവകാശ വിവരങ്ങൾ ശേഖരിച്ചും മറ്റു നിയമപരമായമാർഗങ്ങളിലൂടേയും “ഹൗസ് ക്യാമ്പയിൻ” വർക്കുകൾ സംഘടിപ്പിക്കാനും, ശേഷം നാട്ടുകാരെ ഉൾപ്പെടുത്തി പ്രക്ഷോഭ പരിപാടികൾക്കും കോൺഗ്രസ് കമ്മിറ്റി വെണ്ടല്ലൂർ യൂണിറ്റ് യോഗം ചേർന്ന് രൂപം നൽകി.

വകുപ്പ് മന്ത്രിക്കും സ്ഥലം എം.എൽ.എക്കും ഇതു സംബന്ധിച്ച നിവേദനം സമർപ്പിക്കാനും തീരുമാനിച്ചു. വിപി ഹക്കീം, ബാവ കാളിയത്ത്, പി. സേതുമാധവൻ നായർ തുടങ്ങിയവർ സംസാരിച്ചു.