വളാഞ്ചേരി നഗരസഭയിൽ കുറ്റികുരുമുളക് വിതരണോദ്ഘാടനം നടന്നു

വളാഞ്ചേരി: വളാഞ്ചേരി നഗരസഭ 2024-25 വാർഷിക പദ്ധതിയിൽ ഉൾപ്പെടുത്തി നടപ്പിലാക്കുന്ന കുറ്റികുരുമുളക് വിതരണോദ്ഘാടനം നഗരസഭ ചെയർമാൻ അഷ്റഫ് അമ്പലത്തിങ്ങൽ നിർവഹിച്ചു.വികസന കാര്യ സ്റ്റാൻ്റിംഗ് കമ്മിറ്റി ചെയർമാൻ സി.എം റിയാസ് അദ്ധ്യക്ഷത വഹിച്ചു.അപേക്ഷ സമർപ്പിച്ച് പദ്ധതി വിഹിതം അടവാക്കിയ മുഴുവൻ ഗുണഭോക്തക്കൾക്കും കുറ്റികുരുമുളക് വിതരണം ചെയ്തു.75ശതമാനം സബ്സിഡി നിരക്കിലും 25% ഗുണഭോക്ത വിഹിതവുമായിട്ടാണ് പദ്ധതി നടപ്പിലാക്കുന്നത്.കൃഷിയെ പ്രോത്സാഹിപ്പിക്കുന്നതിനും,പുതിയ കർഷകരെ കൃഷിയിലേക്ക് ആകർഷിക്കുന്നതിനും വേണ്ടിയാണ് പദ്ധതി നടപ്പിലാക്കുന്നത്.കൃഷി ഓഫീസർ ഫസീല സ്വാഗതം പറഞ്ഞ ചടങ്ങിൽ വൈസ് ചെയർപേഴ്സൺ റംല മുഹമ്മദ്,വിദ്യാഭ്യാസ കലാ-കായിക സ്റ്റാൻ്റിംഗ് കമ്മിറ്റി ചെയർമാൻ മുജീബ് വാലാസി,കൗൺസിലർ സദാനന്ദൻ കോട്ടീരി,അസിസ്റ്റൻ്റ് കൃഷി ഓഫീസർ രമേഷ് തുടങ്ങിയവർ സംസാരിച്ചു.