പെരിന്തൽമണ്ണ-കൊയിലാണ്ടി കെഎസ്ആർടിസി ടൗൺ ടു ടൗൺ ഇന്നുമുതൽ

പെരിന്തൽമണ്ണ: യാത്രക്കാരുടെ ദീർഘനാളത്തെ ആവശ്യത്തിന് പരിഹാരമായി കെഎസ്ആർടിസി തിങ്കളാഴ്ചമുതൽ പെരിന്തൽമണ്ണ-കൊയിലാണ്ടി റൂട്ടിൽ ടൗൺ ടു ടൗൺ സർവീസ് ആരംഭിക്കും. പെരിന്തൽമണ്ണ–– താമരശേരി–-കൊയിലാണ്ടി റൂട്ടിലാണ് സർവീസ‌്. തിരൂർക്കാട്, മഞ്ചേരി, അരീക്കോട്, മുക്കം, താമരശേരിവഴി കൊയിലാണ്ടിയിലേക്കും തിരിച്ചുമാണ് സർവീസുകൾ. പെരിന്തൽമണ്ണ, താമരശേരി ഡിപ്പോകളിൽനിന്നും ഏഴുവീതം ഷെഡ്യൂളുകളാണ് തുടങ്ങുന്നത്.

സമയവിവരം–
പെരിന്തൽമണ്ണയിൽനിന്നും കൊയിലാണ്ടിയിലേക്ക്: രാവിലെ ഏഴുമുതൽ വൈകിട്ട‌് അഞ്ചുവരെ ഓരോ അരമണിക്കൂറിലും.
കൊയിലാണ്ടിയിൽനിന്നും പെരിന്തൽമണ്ണയിലേക്ക്: രാവിലെ എഴുമുതൽ രാത്രി എട്ടരവരെ ഓരോ അരമണിക്കൂറിലും.
പെരിന്തൽമണ്ണ–-താമരശേരി: വൈകിട്ട‌് അഞ്ചരമുതൽ രാത്രി എട്ടരവരെ ഓരോ അരമണിക്കൂറിലും.
സ‌്റ്റോപ്പുകൾ:
കൊയിലാണ്ടി, ഉള്ളിയേരി, ബാലുശേരി, പുനൂർ, താമരശേരി, ഓമശേരി, മുക്കം, അരീക്കോട്, മഞ്ചേരി, മങ്കട, പെരിന്തൽമണ്ണ.

അഭ്യർഥിച്ചാൽ നിർത്തുന്ന സ‌്റ്റോപ്പുകൾ: ബാലുശേരിമുക്ക്, കൂടത്തായി ബസാർ, ഓമശേരി നെല്ലിക്കാപറമ്പ്, വാലില്ലാപ്പുഴ, അഗസ്ത്യ മൂഴി, നെല്ലിക്കാപറമ്പ്, കുട്ടൂളി, പത്തനാപുരം, കാവനൂർ, ചെങ്ങര, നെല്ലിപറമ്പ്, ആനക്കയം, തിരൂർക്കാട്, അങ്ങാടിപ്പുറം, അങ്ങാടിപ്പുറം റെയിൽവേ സ്റ്റേഷൻ, പെരിന്തൽമണ്ണ ബൈപാസ്.