എടയൂര്‍ അധികാരപ്പടിയില്‍ ടിപ്പര്‍ ലോറിയും ബൈക്കും കൂട്ടിയിടിച്ച്‌ പ്ലസ്‌ വണ്‍ വിദ്യാര്‍ഥി മരിച്ചു
വളാഞ്ചേരി: ടിപ്പര്‍ ലോറിയും ബൈക്കും കൂട്ടിയിടിച്ച്‌ പ്ലസ്‌ വണ്‍ വിദ്യാര്‍ഥി മരിച്ചു.
പാങ്ങ്‌ വി.പി പടിയിലെ ആലക്കത്തൊടി മൊയ്‌തീന്‍കുട്ടിയുടെ മകന്‍ മുഹമ്മദ്‌ അജ്‌മലാല്‍ (18) ആണു മരിച്ചത്‌. സഹയാത്രികനായ പാങ്ങ്‌ 
സൗത്ത്‌ തച്ചിര്‍ തൊടി ശിവദാസന്റെ മകന്‍ സുജില്‍ദാസി(21) നെ ഗുരുതര പരുക്കുകളോടെ പെരിന്തല്‍മണ്ണയിലെ സ്വകാര്യ ആശുപത്രിയില്‍ പ്രവേശിപ്പിച്ചു.
ഇന്നലെ ഉച്ചക്ക്‌ ഒരു മണിയോടെയാണ്‌ അപകടം. പാങ്ങില്‍ നിന്ന്‌ വളാഞ്ചേരിക്ക്‌ വരികയായിരുന്ന ബൈക്കും എതിരെ വന്ന ടിപ്പര്‍ ലോറിയും എടയൂര്‍ അധികാരപ്പടിയില്‍ വെച്ച്‌ കൂട്ടിയിടിക്കുകയായിരുന്നു. അപകടത്തില്‍പ്പെട്ടവരെ ഉടന്‍ വളാഞ്ചേരി നടക്കാവില്‍ ആശുപത്രിയിലെത്തിച്ചെങ്കിലും അജ്‌മലിന്റെ ജീവന്‍ രക്ഷിക്കാനായില്ല. പാങ്ങ്‌ ഗവ. ഹയര്‍ സെക്കണ്ടറി സ്‌കൂളിലെ പ്ലസ്‌ വണ്‍ വിദ്യാര്‍ഥിയാണ്‌. വളാഞ്ചേരി അഡീഷണല്‍ എസ്‌.ഐ വത്സലന്‍ ഇന്‍ക്വസ്‌റ്റ് നടത്തി.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
