വലിയകുന്ന് വടക്കുംമുറി അയ്യപ്പക്ഷേത്രത്തിൽ പ്രതിഷ്ഠാദിനം ആഘോഷിച്ചു

ഇരിമ്പിളിയം: വലിയകുന്ന് വടക്കുംമുറി അയ്യപ്പക്ഷേത്രത്തിൽ പ്രതിഷ്ഠാദിനം ആഘോഷിച്ചു. തന്ത്രി കാലടി പടിഞ്ഞാറേടത്ത് മനയ്ക്കൽ ശങ്കരൻ ഉണ്ണി നമ്പൂതിരിപ്പാടിന്റെ മുഖ്യകാർമികത്വത്തിൽ നവകം, പഞ്ചഗവ്യ-നെയ്യഭിഷേകങ്ങൾ, ഗണപതിഹോമം എന്നീ വിശേഷാൽ ചടങ്ങുകൾ നടന്നു. ശ്രീലകത്തെ പ്രത്യേക പൂജകൾക്ക് മേൽശാന്തി മഞ്ജീരി മനയ്ക്കൽ വിഷ്ണു നമ്പൂതിരി നേതൃത്വംനൽകി. കലാമണ്ഡലം വിനോദും സംഘവും പഞ്ചാരിമേളം അവതരിപ്പിച്ചു. പുറത്തെ സ്റ്റേജിൽ വള്ളുവനാട് ചെമ്പരത്തി കലാസംഘത്തിന്റെ നാടൻപാട്ട് ദൃശ്യാവിഷ്‌കാരവും അരങ്ങേറി. ഉച്ചയ്ക്ക് പ്രസാദ ഊട്ടുമുണ്ടായി.