വളാഞ്ചേരി കോതോൾ ഡിവിഷനിൽ മഴക്കാല പൂർവ്വ ശുചീകരണത്തിന് തുടക്കമായി

വളാഞ്ചേരി: വളാഞ്ചേരി നഗരസഭയിലെ മുപ്പത്തിയൊന്നാം ഡിവിഷനായ കോതോളിൽ മഴക്കാല പൂർവ്വ ശുചീകരണത്തിന് തുടക്കമായി. ഡിവിഷനിൽ ഉൾപ്പെടുന്ന വീടുകളും പരിസരങ്ങളും റോഡരികുകളും വൃത്തിയാക്കി. ശുചീകരണ പ്രവൃത്തികൾക്ക് ഡിവിഷൻ കൗൺസിലർ സദാനന്ദൻ കോട്ടീരി നേതൃത്വം നൽകി. വളാഞ്ചേരി നഗരസഭയിലെ മുൻ അധ്യക്ഷ ഷാഹിന ടീച്ചറും ഡിവിഷനിലെ ആർ ആർ ടി വളണ്ടിയർമാരും ഉദ്യമത്തിൽ പങ്കാളികളായി.