അച്ചടി സൗഹൃദ സന്ദര്‍നത്തിന് വളാഞ്ചേരിയിൽ തുടക്കമായി
കേരള പ്രിന്റേഴ്‌സ് അസോസിയേഷന്റെ നേതൃത്വത്തില്‍ നടക്കുന്ന അച്ചടി സൗഹൃദ സന്ദര്‍ശനത്തിന്റെ ജില്ലാതല ഉദ്ഘാടനം വളാഞ്ചേരിയില്‍ നടന്നു.ജനുവരി 1 മുതല്‍ 31 വരെയാണ് അച്ചടി സൗഹൃദ സന്ദര്‍ശനം പരിപാടി നടത്തുന്നത്. ജില്ലയിലെ എല്ലാ പ്രസുകളും സന്ദര്‍ശിച്ച് അവര്‍ക്കാവശ്യമായ നിര്‍ദേശങ്ങള്‍ നല്‍കുകയും അഭിപ്രായങ്ങള്‍ സ്വരൂപിക്കുകയും ചെയ്യുക എന്നതാണ് അച്ചടി സൗഹൃദ സന്ദര്‍ശം ഉദ്ദേശിക്കുന്നത്. കേരള പ്രിന്റേഴ്‌സ് അസോസിയേഷന്റെ നേതൃത്വത്തില്‍ നടക്കുന്ന പരിപാടിയുടെ മലപ്പുറം ജില്ലാതല ഉദ്ഘാടനമാണ് വളാഞ്ചേരിയില്‍ നടന്നത്. വളാഞ്ചേരി മീഡിയ പ്ലസില്‍വെച്ച് ജില്ലാ പ്രസിഡന്റ് അനീസ് ചൂണ്ടയിലിന്റെ അധ്യക്ഷതയില്‍ സംസ്ഥാന സെക്രട്ടറി ജയേഷ് പി ഉദ്ഘാടനം ചെയ്തു. ജില്ലാ സെക്രട്ടറി രാജന്‍ വിഷയാവതരണം നടത്തി. അംഗത്വസര്‍ട്ടിഫിക്കറ്റ് വിതരണം ഗോവിന്ദന്‍കുട്ടി നിര്‍വഹിച്ചു. ജില്ലാ രക്ഷാധികാരി ജി സുധാകരന്‍ റേറ്റ് ചാര്‍ട്ട് വിതരണം ചെയ്തു. ജില്ലാ ട്രഷറര്‍ അബ്ദുറഹ്മാന്‍ വണ്ടൂര്‍ അംഗത്വഫോറം വിതരണവും സിഎച്ച് മുനീര്‍ കലണ്ടര്‍ വിതരണവും നിര്‍വഹിച്ചു. നാഫി സൈനുദ്ധീന്‍ വളാഞ്ചേരി, മൊയ്തീന്‍കുട്ടി ഹസ്‌ന മുസ്തഫ എന്നിവര്‍ സംസാരിച്ചു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
