എം.എ ഹിസ്റ്ററി പരീക്ഷയിൽ റാങ്ക് നേടിയ പൂർവ്വ വിദ്യാർത്ഥിയെ ആദരിച്ച് കരേക്കാട് വടക്കുംപുറം എയുപി സ്കൂൾ പിടിഎ

എടയൂർ: കലിക്കറ്റ് സർവകലാശാല എം.എ ഹിസ്റ്ററി പരീക്ഷയിൽ നാലാം റാങ്ക് നേടി നാടിനഭിമാനമായ ഹസീനയെ ആദരിച്ച് കരേക്കാട് വടക്കുംപുറം എയുപി സ്കൂൾ പിടിഎ. കരേക്കാട് വടക്കുംപുറം എയുപി സ്കൂൾ പൂർവ്വ വിദ്യാർത്ഥിയും കരേക്കാട് പോസ്‌റ്റോഫിസിന് സമീപം താമസിക്കുന്ന കോഴിത്തൊടി ആലിക്കുട്ടി – ആയിഷ ദമ്പതികളുടെ മകളുമായ ഹസീന. മണ്ണാർക്കാട് എം.ഇ.എസ് കോളേജിൽ നിന്നും ബിരുദാനന്തര ബിരുദം കരസ്ഥമാക്കിയത്. കരേക്കാടിന്റെ അഭിമാനമായി മാറിയ കെ ടി യെ വടക്കുംപുറം എയുപി സ്കൂൾ പിടിഎ വീട്ടിൽ ചെന്ന് അനുമോദിച്ചു. പൂർവ്വ അധ്യാപിക എ വാസന്തി ടീച്ചർ, പിടിഎ പ്രസിഡന്റ്‌ എ പി നാസർ, ഹെഡ്മാസ്റ്റർ വി പി അലിഅക്ബർ, എംപിടിഎ പ്രസിഡന്റ്‌ കെ.പി രാധിക, പിടിഎ എക്സിക്യൂട്ടീവ് മെമ്പർ പി അഷ്‌റഫ്‌, സീനിയർ അധ്യാപിക വി ജമീല ടീച്ചർ, കെ അബൂബക്കർ മാസ്റ്റർ, ഹസീനയുടെ രക്ഷിതാക്കൾ എന്നിവർ പങ്കെടുത്തു.