പുത്തനത്താണിയിൽ സ്കൂൾ വിദ്യാർഥികളുമായി പോയ ഓട്ടോയിൽ സ്വകാര്യ ബസിടിച്ച് രണ്ടു പേർക്ക് പരിക്ക്

പുത്തനത്താണി: പുത്തനത്താണിയിൽ സ്കൂൾ കുട്ടികളുമായി പോവുകയായിരുന്ന ഓട്ടോയും ബസ്സും കൂട്ടിയിടിച്ചു. വിദ്യാർത്ഥികൾ അത്ഭുതകരമായി രക്ഷപ്പെട്ടു. യാത്രക്കാരായ രണ്ടു പേർക്ക് നിസാര പരിക്കുപറ്റി. കാലത്ത് എട്ട് മുക്കാലോടെയാണ് അപകടം.

ഓട്ടോയുടെ മുൻ വശം പൂർണമായും തകർന്നു. ബസ് മറ്റൊരു വാഹനത്തെ മറികടക്കാൻ ശ്രമിക്കുന്നതിനിടെയാണ് അപകടം. നിയന്ത്രണം നഷ്ടപ്പെട്ട ഒരു സ്കൂട്ടറും ബസ്സിനു പിറകിലിടിച്ചു.