പുതിയങ്ങാടി നേർച്ചക്ക് കൊടിയേറി

തിരൂർ: മൂന്നു ദിവസങ്ങളിലായി നടക്കുന്ന പ്രസിദ്ധമായ തിരൂർ വെട്ടത്ത് പുതിയങ്ങാടി യാഹൂം തങ്ങളുടെ ആണ്ടുനേർച്ചക്ക് കൊടിയേറി. ഗജവീരന്മാരുടെ അകമ്പടിയോടെ പോലീസ് സ്റ്റേഷൻ പരിസരത്തു നിന്നും ആരംഭിച്ച കൊടിയേറ്റ വരവ് ജാറത്തിലെത്തുന്നതോടെയാണ് കൊടിയേറ്റം . പതിനായിരക്കണക്കിനാളുകളാണ് ജാതിമത ഭേദമന്യേ നാടിന്റെ നേർച്ചക്ക് പങ്കെടുക്കുക. നിലവിലെ രാഷ്ട്രീയ സാമ്പത്തിക സാഹചര്യത്തിൽ തെരുവ് കച്ചവടങ്ങൾക്ക് അൽപം മാന്ദ്യമുണ്ടായെങ്കിലും ജനപങ്കാളിത്തത്തിന് ഒട്ടും കുറവില്ലെന്നു തന്നെയാണ് കൊടിയേറ്റ വരവിൽ അണിനിരന്ന പുരുഷാരം തെളിയിച്ചത്.