അമിതവില ഈടാക്കുന്നതായുള്ള പരാതി; വളാഞ്ചേരി ടൗണിലേയും കാവുംപുറത്തേയും കടകളിൽ പരിശോധന

വളാഞ്ചേരി: നിത്യോപയോഗ സാധനങ്ങൾക്ക് അമിതവില ഈടാക്കുന്നതായുള്ള പരാതിയെത്തുടർന്ന് വളാഞ്ചേരി ടൗണിലേയും കാവുംപുറത്തേയും കടളിൽ പരിശോധന. അമിതവില ഈടാക്കുന്നതായി പരിശോധനയിൽ ബോധ്യപ്പെട്ടതിനാൽ ദിവസവും വിലവിവരപ്പട്ടിക പ്രദർശിപ്പിക്കണമെന്ന് കച്ചവടക്കാരോട് ആവശ്യപ്പെട്ടു. വീണ്ടും പരാതി ലഭിച്ചാൽ കർശന നടപടിയുണ്ടാവും.

താലൂക്ക് സപ്ലൈ ഓഫീസർ പി.സി വർഗീസ്, റേഷനിങ് ഇൻസ്പെക്ടർമാരായ കെ.പി മുരളീധരൻ, രാജൻ പള്ളിയാളി, ഹെൽത്ത് ഉദ്യോഗസ്ഥരായ പദ്‌മിനി, വി.എസ് കിരൺകുമാർ എന്നിവർ നേതൃത്വം നൽകി.