എസ്.വൈ.എസ് വളാഞ്ചേരി സോൺ കമ്മിറ്റി സംഘടിപ്പിക്കുന്ന റംസാൻ പ്രഭാഷണം തുടക്കമായി

വളാഞ്ചേരി: റംസാൻ ആത്മവിചാരത്തിന്റെ കാലം എന്ന ശീർഷകത്തിൽ എസ്.വൈ.എസ്. വളാഞ്ചേരി സോൺ കമ്മിറ്റി സംഘടിപ്പിക്കുന്ന റംസാൻ പ്രഭാഷണം തുടങ്ങി. പി.എസ്.കെ. ദാരിമി എടയൂർ ഉദ്ഘാടനംചെയ്തു. സിദ്ദിഖ് അഹ്‌സനി ചെമ്മാട് മുഖ്യപ്രഭാഷണം നടത്തി. സയ്യിദ് സലാഹുദ്ദീൻ സഖാഫി അധ്യക്ഷതവഹിച്ചു. വി. നാസർ കാളിയാല, കെ.പി. ഷിഹാബുദ്ദീൻ സഅദി, പി. ഷുക്കൂർ സഖാഫി, സയ്യിദ് അബ്ദുൾ ലത്തീഫ് ബുഖാരി, സി.പി. കുഞ്ഞീത്, ടി. മുഹമ്മദാലി, പി. ശറഫുദ്ദീൻ, കെ. മുഹമ്മദ്, ടി. ജാഫർ സഖാഫി എന്നിവർ പങ്കെടുത്തു. ബുധനാഴ്ച സമാപിക്കും.