റീ എക്കോയുടെ നേതൃത്വത്തിൽ പ്രഥമ മുങ്ങിമരണം തടയൽ ദിനം ആചരിച്ചു

തിരുന്നാവായ: ഐക്യരാഷ്ട്രസഭയും ലോക ആരോഗ്യ സംഘടനയും സംയുക്തമായി ആരംഭിച്ച പ്രഥമ മുങ്ങിമരണം തടയൽ ദിനാചരണവും ഫയർ ഫോഴ് സംഘടിപ്പിച്ച് വരുന്ന ലോക ജല സുരക്ഷ ദിനാചരണവും പരിസ്ഥിതി സംഘടനയായ റി എക്കൗ യും മാമാങ്കം മെമ്മോറിയൽ ട്രസ്റ്റും സംയുക്തമായി നിളാ തീരത്ത് വെച്ച് നടത്തി. ഇനി മുതൽ എല്ലാ വർഷവും ജുലൈ ഇരുപത്തി അഞ്ചിന് ലോക മുങ്ങിമരണം തടയൽ ദിനാചരണം നടത്താൻ ഐക്യരാഷ്ട്രസഭ തിരുമാനിച്ചിരിക്കുകയാണ്. ഫയർ ഫോഴ്സിൻ്റെ സഹകരണത്തോടെ സംഘടിപ്പിച്ച ചടങ്ങ് തിരൂർ ഫയർ സ്റ്റേഷൻ ഓഫീസർ എം കെ പ്രമോദ് കുമാർ ഉത്ഘാടനം ചെയ്തു റി എക്കൗ പ്രസിഡൻ്റ് സി കിളർ അധ്യക്ഷത വഹിച്ചു.

ചടങ്ങിൽ ജല സുരക്ഷ ദിനാചരണത്തിൻ്റെ ഭാഗമായി തിരുന്നാവായ നാവാ മുകുന്ദ ക്ഷേത്രം ദേവസ്വത്തിൻ്റെ ആഭിമുഖ്യത്തിൽ മുങ്ങൽ വിദഗ്ദൻ പാറലകത്ത് യാഹുട്ടിയെ ദേവസ്വം എക്സിക്യുട്ടിവ് ഓഫീസർ ആതവനാട് പരമിശ്വരൻ പൊന്നാട പുതപ്പിച്ച് ആദരവ് നൽകി. സതിഷൻ കളിച്ചാത്ത് എം സാദിക്ക്, എം.കെ സതീഷ് ബാബു, സി.പി രാജൻ, മോനുട്ടി പൊയിലിശ്ശേരി, കെ.പി അലവി, ആയപള്ളി വാഹിദ്, ഹനീഫ കരിമ്പനക്കൽ, സൽമാൻ പല്ലാർ, ഇ.പി സലിം, ചിറക്കൽ ഉമ്മർ തുടങ്ങിയവർ പങ്കെടുത്തു. തുടർന്ന് തിരുർ ഫയർ സ്റ്റേഷൻ ഓഫിസർ എം.കെ പ്രമോദ് കുമാർ, ഫയർമാൻ പി അനുപിൻ്റെയും നേതൃത്വത്തിൽ ജലാപകട സുരക്ഷാ പ്രവൃത്തനങ്ങൾ സംബന്ധിച്ച് ട്രൈനിംഗ് ക്യാമ്പ് സംഘടിപ്പിച്ചു.