ജില്ലാ ലൈബ്രറി കൗൺസിൽ തവനൂർ പഞ്ചായത്ത് തല വായന മത്സരം നടന്നു

തവനൂർ: മലപ്പുറം ജില്ലാ ലൈബ്രറി കൗൺസിൽ ജില്ലയിലെ എൽ.പി, യു.പി വിദ്യാർത്ഥികൾക്കായി നടത്തുന്ന വായന മത്സരത്തിന്റെ തവനൂർ പഞ്ചായത്ത് തല മത്സരം നടന്നു. ഗ്രാമപഞ്ചായത്ത് പ്രസിഡണ്ട് സി.പി നസീറ ഉദ്ഘാടനം ചെയ്തു വൈസ് പ്രസിഡണ്ട് ടി.വി ശിവദാസ് അദ്ധ്യക്ഷത വഹിച്ചു വിദ്യാഭ്യാസ സ്ഥിരം സമിതി അദ്ധ്യക്ഷ ലിഷ മോഹൻ,ഗ്രന്ഥശാല സമിതി കൺവീനർ എ.ടി മണികണ്ഠദാസ്,ജോ. കൺവീനർ ടി.പി സുബ്രഹ്മണ്യൻ എന്നിവർ പ്രസംഗിച്ചു എൽ.പി വിഭാഗത്തിൽ അക്ഷിത ദിനേശ് (കെ.എം.ജി.യു.പി.എസ് തവനൂർ) ഭവിത് കൃഷ്ണ എസ് (ജി.എൽ.പി.എസ് തൃക്കണാപുരം) മുഹമ്മദ് മുനാഫ് എം.കെ (എ.എൽ.പി എസ് തൃക്കണാപുരം) എന്നിവരും യു.പി വിഭാഗത്തിൽ അതുല്യ പി (ജി.യു.പി.എസ് വെള്ളാഞ്ചേരി) നേഹ ജിബിൻ (ഐഡിയൽ ഇ.എച്ച്.എസ് കടകശ്ശേരി) ആരാധ്യ രമേഷ് (കെ.എം.ജി.യു.പി എസ് തവനൂർ) എന്നിവരും യഥാക്രമം ഒന്നും, രണ്ടും, മൂന്നും സ്ഥാനങ്ങൾ നേടി താലൂക്ക് തലത്തിൽ മത്സരിക്കാൻ യോഗ്യത നേടി.വിജയികൾക്ക് പഞ്ചായത്ത് പ്രസിഡണ്ട് സമ്മാനങ്ങൾ വിതരണം ചെയ്തു.