അങ്ങാടിപ്പുറം മേല്‍പ്പാലത്തില്‍ അറ്റകുറ്റപ്പണി: ഇന്നു മുതല്‍ രാത്രി ഗതാഗതനിയന്ത്രണം
പെരിന്തല്‍മണ്ണ: അങ്ങാടിപ്പുറം റെയില്‍വേ മേല്‍പ്പാലത്തില്‍ അറ്റകുറ്റപ്പണി നടത്തുന്നതിനായി ചൊവ്വാഴ്ച മുതല്‍ മൂന്നുദിവസം രാത്രി ഗതാഗതനിയന്ത്രണം ഏര്‍പ്പെടുത്തും.
രാത്രി എട്ടുമുതല്‍ രാവിലെ ആറുവരെയാണ് നിയന്ത്രണം.
വളാഞ്ചേരി, കോട്ടയ്ക്കല്‍, മലപ്പുറം, മഞ്ചേരി ഭാഗത്തുനിന്നുള്ള വാഹനങ്ങള്‍ ഓരാടംപാലം, വലമ്പൂര്‍, പട്ടിക്കാട് വഴി പാലക്കാട് ഭാഗത്തേക്ക് പോകണം. കോഴിക്കോടുഭാഗത്തുനിന്നുള്ള വാഹനങ്ങള്‍ വള്ളുവമ്പ്രം, മഞ്ചേരി, പാണ്ടിക്കാട്, മേലാറ്റൂര്‍ വഴിയും പാലക്കാട് ഭാഗത്തേക്ക് പോകണമെന്ന് പെരിന്തല്‍മണ്ണ ട്രാഫിക് പോലീസ് യൂണിറ്റ് എസ്.ഐ. അറിയിച്ചു.
മേല്‍പ്പാലത്തിന്റെ ഉപരിതലത്തിലെ ടാറിങ്ങില്‍ കുഴികളുംമറ്റും രൂപപ്പെട്ടത് വാഹനങ്ങള്‍ക്കും യാത്രക്കാര്‍ക്കും പ്രയാസമുണ്ടാക്കിയിരുന്നു. ഇത് മാറ്റുന്നതിന് പഴയ ടാറിങ് ഇളക്കി മാറ്റിയാണ് പണി നടത്തുന്നത്. ആര്‍.ബി.ഡി.സിയുടെ നേതൃത്വത്തിലാണ് നിര്‍മാണം.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
