പാണ്ടികശാല-കുണ്ടുകാട് റോഡ് നന്നാക്കണമെന്നാവശ്യമുന്നയിച്ച് ജനകീയ കൂട്ടായ്‌മ കുറ്റിപ്പുറം പഞ്ചായത്തോഫീസിലേക്ക് മാർച്ച് നടത്തി

കുറ്റിപ്പുറം : ഗ്രാമപ്പഞ്ചായത്തിലെ ഏഴ്, ഒൻപത് വാർഡുകളിലൂടെ കടന്നുപോകുന്ന തകർന്നടിഞ്ഞ പാണ്ടികശാല-കുണ്ടുകാട് റോഡിന്റെ ശോച്യാവസ്ഥ പരിഹരിക്കാൻ അധികൃതർ തയ്യാറാകാത്തതിൽ പ്രതിഷേധിച്ച് ജനകീയ കൂട്ടായ്‌മ പഞ്ചായത്തോഫീസിലേക്ക് മാർച്ച് നടത്തി. കൺവീനർ മുസ്തഫ പാണ്ടികശാല ഉദ്ഘാടനം ചെയ്തു. റോയൽ മൊയ്തീൻകുട്ടി, ടി.പി. ബാവനു, വി.പി. സലീം, ടി.പി.എം. സൈനുദ്ദീൻ, പി.വി. നാസർ തുടങ്ങിയവർ പ്രസംഗിച്ചു.