തിരുമാന്ധാംകുന്ന് ഭഗവതീ ക്ഷേത്രത്തിൽ ഋഗ്വേദ ലക്ഷാർച്ചന ഇന്ന് തുടങ്ങും

അങ്ങാടിപ്പുറം : തിരുമാന്ധാംകുന്ന് ഭഗവതീക്ഷേത്രത്തിൽ ഋഗ്വേദ ലക്ഷാർച്ചന ഇന്ന് തുടങ്ങും. ശ്രീമൂലസ്ഥാനത്ത് പാർവതി പരമേശ്വരൻമാരുടെ സവിധത്തിലാണ് ലക്ഷാർച്ചന നടക്കുക.

10 വേദജ്ഞർ ഒന്നിച്ച് ഋഗ്വേദ മന്ത്രങ്ങൾ ഉരുവിട്ട് അർച്ചന ചെയ്യും. രാവിലെ ആറുമുതൽ 11.30 വരെയും വൈകുന്നേരം 4.30 മുതൽ 6.30 വരെയുമാണ് അർച്ചന. ലക്ഷാർച്ചന ദിവസങ്ങളിൽ രാത്രി കല്ലൂർ നമ്പൂതിരിപ്പാടിന്റെ പ്രത്യേക പൂജയുമുണ്ടാകും. എട്ടുദിവസം നീണ്ടുനിൽക്കുന്ന ലക്ഷാർച്ചന 23-ന് രാവിലെ സമാപിക്കും. ലക്ഷാർച്ചനയുടെ 45-ാം വാർഷികമാണിത്.