കാടാമ്പുഴ ക്ഷേത്രഗോപുരത്തിന്റെ ഉത്തരംവെക്കൽ ശനിയാഴ്ച

കാടാമ്പുഴ: കാടാമ്പുഴ ഭഗവതീക്ഷേത്ര ഗോപുരത്തിന്റെ ഉത്തരംവെക്കൽ ചടങ്ങ് ശനിയാഴ്ച നടക്കും. രാവിലെ ഏഴിനും ഒമ്പതിനുമിടയിൽ തന്ത്രി അണ്ടലാടി മന ഉണ്ണി നമ്പൂതിരിപ്പാടിന്റെ മുഖ്യകാർമികത്വത്തിലാണ് ചടങ്ങുകൾ. മലബാർ ദേവസ്വം ബോർഡ് പ്രസിഡന്റ് എം.ആർ. മുരളി, കമ്മിഷണർ ടി.സി. ബിജു, കാടാമ്പുഴ ദേവസ്വം ട്രസ്റ്റി ഡോ. എം.വി. രാമചന്ദ്ര വാരിയർ തുടങ്ങിയവർ പങ്കെടുക്കും. നവരാത്രി മണ്ഡപനിർമാണവുമായി ബന്ധപ്പെട്ട വാസ്തുപൂജയും നടക്കും.