സബ് ജൂനിയർ പെൺകുട്ടികളുടെ ഫുട്ബോൾ; എടയൂർ സ്വദേശിനി സലീമ ഷെറിൻ മലപ്പുറം ജില്ലക്ക് വേണ്ടി ബൂട്ടണിയും
എടയൂർ: കാലിക്കറ്റ്‌ സർവകലാശാല സ്റ്റേഡിയത്തിൽ നടക്കുന്ന സബ് ജൂനിയർ പെൺകുട്ടികളുടെ സംസ്ഥാന ഫുട്ബോൾ മത്സരത്തിൽ എടയൂർ സ്വദേശിനി സലീമ ഷെറിൻ മലപ്പുറം ജില്ലക്ക് വേണ്ടി ബൂട്ടണിയും. മഞ്ചേരി എടവണ്ണപ്പാറ ഗ്രൗണ്ടിൽ നടന്ന സെലെക്ഷൻ ക്യാമ്പിൽ നിന്നാണ് സലീമക്ക് ജില്ലാ ടീമിലേക്ക് വിളിയെത്തിയത്. കരേക്കാട് ചെങ്കുണ്ടൻപടി പാട്ടാക്കൽ താമസിക്കുന്ന പാണക്കാട്ടിൽ അഷ്‌റഫിന്റെ മകളാണ്.
കരേക്കാട് വടക്കുംപുറം എ.യു.പി സ്കൂളിലെ ഏഴാം ക്ലാസ് വിദ്യാർത്ഥിനിയാണ് സലീമ. പരിശീലനം നൽകൽ, ആവശ്യമായ സഹായം നൽകൽ എന്നിങ്ങനെ പിന്തുണയുമായി ഇബ്രാഹിംകുട്ടി മാസ്റ്റർ, അഷ്‌കർ അലി മാസ്റ്റർ, മനാഫ് മാസ്റ്റർ, ഹബീന ടീച്ചർ, സാജിത ടീച്ചർ, മറ്റു അധ്യാപകർ, PTA ഭാരവാഹികൾ, മാനേജ്മെന്റ് പ്രതിനിധികൾ സലീമക്കൊപ്പമുണ്ട്.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
