മാറാക്കരയിൽ സേവ് ഇന്ത്യ റാലിയും പൊതുസമ്മേളനവും നടത്തി യൂത്ത് കോൺഗ്രസ് കമ്മിറ്റി

മാറാക്കര: മാറാക്കര മണ്ഡലം യൂത്ത് കോൺഗ്രസ് കമ്മിറ്റി സേവ് ഇന്ത്യ റാലി നടത്തി. യൂത്ത് കോൺഗ്രസ് സംസ്ഥാന വൈസ് പ്രസിഡന്റ് റിജിൽ മാക്കുറ്റി മണ്ഡലം പ്രസിഡന്റ് ജാസിർ പതിയിലിന് പതാക നൽകി ഫ്ളാഗ് ഓഫ് ചെയ്തു. ജില്ലാ പ്രസിഡന്റ് ഷാജി പാച്ചേരി, ഉമറലി കരേക്കാട് എന്നിവർ നേതൃത്വം നൽകി.കാടാമ്പുഴയിൽ നടന്ന സമാപനസമ്മേളനം റിജിൽ മാക്കുറ്റി ഉദ്ഘാടനം ചെയ്തു. ജാസിർ പതിയിൽ അധ്യക്ഷത വഹിച്ചു. കെ.പി.സി.സി. അംഗം വി. മധുസൂദനൻ, വി. ഷഫീഖ്, പൂക്കയിൽ മാനു, കെ.പി. സുരേന്ദ്രൻ, മൻസൂർ അലി, അബ്ദു തെക്കരകത്ത്, വി.പി. ബഷീർ എന്നിവർ പ്രസംഗിച്ചു.