അംബേദ്ക്കർ ജയന്തി; പട്ടികജാതി മോർച്ചയുടെ ആഭിമുഖ്യത്തിൽ മങ്കേരിയിൽ അനുസ്മരണ യോഗവും ഭക്ഷ്യ കിറ്റ് വിതരണവും സംഘടിപ്പിച്ചു
ഇരിമ്പിളിയം: പിന്നോക്ക സമൂഹത്തെ മുഖ്യധാരയിലേക്ക് ഉയർന്ന് വരാൻ സഹായിച്ചത് ബിജെപിയും നരേന്ദ്ര മോദി സർക്കാരുമാണ് ദീർഘകാലത്തെ അവഗണനയിൽ നിന്ന് പട്ടികജാതി സമൂഹത്തിന് മുഖ്യധാരയിലേക്ക് വരാനുള്ള പദ്ധതികൾ ഫലപ്രദമായി നടപ്പിലാക്കിയത്. ബിജെപിയും നരേന്ദ്ര മോദി സർക്കാരുമാണെന്ന് ബിജെപി ജില്ലാ പ്രസിഡൻ്റ് രവി തേലത്ത് പറഞ്ഞു. ഭരണഘടനാശിൽപ്പി അംബേദ്ക്കറുടെ 131 ജയന്തി ആഘോഷത്തോടനുബന്ധിച്ച് ബി ജെ പി പട്ടികജാതി മോർച്ച മലപ്പുറം ജില്ലാ കമ്മറ്റി ഇരിമ്പിളിയം മങ്കേരി പടിഞ്ഞാറ്റു മുറി പട്ടികജാതി കോളനിയിൽ സംഘടിപ്പിച്ച അനുസ്മരണവു സൗജന്യ ഭക്ഷ്യ യോഗവും കിറ്റ് വിതരണവും ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. ബിജെപി പട്ടികജാതി മോർച്ച ജില്ലാ പ്രസി.കെ.സി ശങ്കരൻ, അധ്യക്ഷത വഹിച്ചു. ജനസെക്രട്ടറി വാസു, കോട്ടപ്പുറം, ജില്ലാ വൈസി.അയ്യപ്പൻ പാണ്ടിക്കാട്, ജില്ലാ സെക്രട്ടറി സുബ്രഹ്മണ്യൻ മഞ്ചേരി, ഐ.പി. ശിവദാസൻ വെണ്ടല്ലൂർ, ബിജെപി ജില്ലാ സെക്രട്ടറി പി.പി.ഗണേശൻ, യുവമോർച്ച ജില്ലാ ജനറൽ സെക്രട്ടറി കെ.സുബിത്ത്, ബിജെപി കുറ്റിപ്പുറം മണ്ഡലം പ്രസി.കെ.ടി, അനിൽകുമാർ, ടി.ടി വേലായുധൻ മങ്കേരി എന്നിവർ പ്രസംഗിച്ചു, പരിപാടിയിൽ പങ്കെടുത്ത എല്ലാവർക്കും ജില്ലാ പ്രസിഡൻ്റ് രവി തേലത്ത് വിഷുക്കൈനീട്ടം നൽകി.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
