എടയൂർ കെ.എം.യു.പി സ്കൂളിൽ പ്രവൃത്തി പരിചയ മേള നടന്നു

എടയൂർ: എടയൂർ കെ.എം.യു.പി സ്കൂളിൽ ഈ അധ്യയന വർഷത്തെ ശാസ്ത്ര-ഗണിത ശാസ്ത്ര- സാമൂഹ്യശാസ്ത്ര-പ്രവൃത്തി പരിചയ മേള നടന്നു.

പ്രീ പ്രൈമറി മുതൽ ഏഴാം ക്ലാസ് വരെയുള്ള മുഴുവൻ കുട്ടികളുടെയും പങ്കാളിത്തം കൊണ്ട് മേള ശ്രദ്ദേയമായി. വിവിധ മേളകളിലായി വർക്കിങ്ങ് മോഡൽ, സ്റ്റിൽ മോഡൽ, പോസ്റ്റർ രചന, പസിൽ, ഗയിംസ്, ശേഖരണങ്ങൾ, തത്സമയ നിർമ്മാണ പ്രവർത്തനങ്ങൾ എന്നിവയിൽ വിദ്യാർഥികൾ മാറ്റുരച്ചു.

മേള വീക്ഷിക്കുന്നതിനായി രക്ഷിതാക്കൾക്കു പുറമെ പൊതുജനങ്ങൾക്കും അവസരമൊരുക്കിയിരുന്നു. ഹെഡ്മിസ്റ്റ്രസ് വി വനജാകുമാരിയും മറ്റു ടീച്ചർമാരും മേള നിയന്ത്രിച്ചു. സ്കുളിലെ പി.ടി.എ പ്രസിഡന്റ് ഷാജി പൂക്കാട്ടിരിയും മറ്റ് രക്ഷിതാക്കളും സന്നിഹിതരായിരുന്നു. വിജയികൾക്കുള്ള സമ്മാനവിതരണവും നടന്നു.