ക്രിക്കറ്റ് അക്കാഡമികളിലേക്ക് തിരഞ്ഞെടുപ്പ് പെരിന്തൽമണ്ണയിൽ വച്ച് നടക്കുന്നു
പെരിന്തല്‍മണ്ണ: കേരള ക്രിക്കറ്റ് അസോസിയേഷന്‍ നടത്തുന്ന ക്യാഷ് കേരളാ നോര്‍ത്ത് സോണ്‍ ജൂനിയര്‍, സീനിയര്‍ അക്കാദമികളിലേക്ക് മലപ്പുറം ജില്ലയില്‍നിന്നുള്ള ആണ്‍കുട്ടികളെയും പെണ്‍കുട്ടികളെയും തിരഞ്ഞെടുക്കുന്നു. 19-ന് രാവിലെ ഒന്‍പതിന് പെരിന്തല്‍മണ്ണ ക്രിക്കറ്റ് സ്റ്റേഡിയത്തിലാണ് തിരഞ്ഞെടുപ്പ്. ജൂനിയര്‍ വിഭാഗത്തില്‍ 16 വയസ്സില്‍ താഴെ ഏഴ്, എട്ട്, ഒന്‍പത് ക്ലാസ്സുകളില്‍ പഠിക്കുന്നവര്‍ക്കും, സീനിയര്‍ വിഭാഗത്തില്‍ 19 വയസ്സില്‍ താഴെ പ്ലസ് വണ്‍ പ്രവേശനം നേടുന്നവര്‍ക്കും പങ്കെടുക്കാം. ഇതില്‍ നിന്നും തിരഞ്ഞെടുക്കപ്പെടുന്ന ഓരോ വിഭാഗത്തിലുമുള്ള എട്ട് കുട്ടികള്‍ക്ക് 30-ന് പെരിന്തല്‍മണ്ണ ക്രിക്കറ്റ് സ്റ്റേഡിയത്തില്‍ അന്തിമ തിരഞ്ഞെടുപ്പ് നടത്തും. താത്പര്യമുള്ളവര്‍ ക്രിക്കറ്റ് യൂണിഫോമും(വെള്ളയും വെള്ളയും), കളിയുപകരണങ്ങളും സഹിതം എത്തണമെന്ന് മലപ്പുറം ജില്ലാ ക്രിക്കറ്റ് അസോസിയേഷന്‍ സെക്രട്ടറി അറിയിച്ചു. ഫോണ്‍: 9605003238.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
