എടയൂരിൽ സേവാഭാരതി ഓഫീസ് തുറന്നു

എടയൂർ : എടയൂരിൽ സേവാഭാരതിയുടെ ഓഫീസ് തുറന്നു. പഞ്ചായത്ത് സേവാഭാരതിയുടെ കീഴിലാണ് ഓഫീസിന്റെ പ്രവർത്തനം. വടക്കുംപുറം തിണ്ടലത്ത് തുറന്ന കാര്യാലയത്തിന്റെ ഉദ്ഘാടനം അർ.എസ്.എസ്. തിരൂർ ജില്ലാ സംഘചാലക് എ.കെ. നാരായണൻ നിർവഹിച്ചു. സേവാഭാരതി എടയൂർ പഞ്ചായത്ത് പ്രസിഡന്റും റിട്ട. ആർ.ടി.ഒ.യുമായ നാരായണനുണ്ണി അധ്യക്ഷതവഹിച്ചു.

വളാഞ്ചേരി നഗരസഭാംഗം കെ.വി. ഉണ്ണികൃഷ്ണൻ, രാജേഷ് മാവണ്ടിയൂർ, വേലായുധൻ വടക്കുമ്പ്രം എന്നിവർ പ്രസംഗിച്ചു. ഉദ്ഘാടനത്തിന്റെ ഭാഗമായി അസംഘടിത മേഖലയിലെ തൊഴിലാളികൾക്കുള്ള ഇ-ശ്രം കാർഡ് ക്യാമ്പും സംഘടിപ്പിച്ചു. നൂറോളംപേർ പങ്കെടുത്തു.