പ്രണയം നടിച്ച് പീഡിപ്പിച്ചു; പ്രതികളില്‍ ഒരാള്‍ അറസ്റ്റില്‍
വളാഞ്ചേരി: പ്രണയം നടിച്ച് പതിനഞ്ചുകാരിയെ പീഡിപ്പിച്ച രണ്ടു യുവാക്കളില്‍ ഒരാളെ പോലീസ് അറസ്റ്റുചെയ്തു. കരേക്കാട് തൊഴലില്‍ വീട്ടില്‍ അലി (23) യെയാണ് സി.ഐ. സുലൈമാന്‍ അറസ്റ്റുചെയ്തത്. കൂട്ടുപ്രതി കാടാമ്പുഴ മേല്‍മുറി സ്വദേശി റാഫി വിദേശത്തേക്ക് കടന്നതായാണ് വിവരം.
ഫോണില്‍ പരിചയപ്പെട്ട പെണ്‍കുട്ടിയെ അലി പ്രണയം നടിച്ച് വശത്താക്കി. തുടര്‍ന്ന് സുഹൃത്തായ റാഫിയുമായി രാത്രി പെണ്‍കുട്ടിയുടെ വീട്ടിലെത്തി അടുക്കളയില്‍വെച്ച് ഇരുവരും പീഡിപ്പിച്ചു. വിവരംപുറത്ത് പറഞ്ഞാല്‍ അപായപ്പെടുത്തുമെന്ന് ഭീഷണിപ്പെടുത്തുകയും ചെയ്തതായാണ് പെണ്‍കുട്ടി നല്‍കിയ പരാതി. പ്രതികള്‍ക്കെതിരെ പോക്‌സോ പ്രകാരം കേസ്സെടുത്തു. തിരൂര്‍ കോടതിയില്‍ ഹാജരാക്കിയ അലിയെ റിമാന്‍ഡുചെയ്തു.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
