സംസ്ഥാനങ്ങൾക്ക് സൗജന്യമായി നൽകണമെന്നാവശ്യപ്പെട്ട് എസ്.എഫ്.ഐ പ്രതിഷേധിച്ചു

മലപ്പുറം : കേന്ദ്ര സർക്കാർ സംസ്ഥാനങ്ങൾക്ക് വാക്‌സിൻ സൗജന്യമായി നൽകണമെന്ന് ആവശ്യപ്പെട്ട് എസ്.എഫ്.ഐ. പ്രതിഷേധിച്ചു. കോവിഡ് പടർന്നുപിടിക്കുമ്പോഴും കൊള്ളയ്ക്ക് അവസരം തേടുകയാണ് കേന്ദ്രസർക്കാർ.

വാക്സിൻ നയമാറ്റം ഇതിന് തെളിവാണ്. വാക്സിൻ കയറ്റുമതിയിലൂടെ സ്വകാര്യകുത്തകകൾക്ക് ലാഭം നേടികൊടുക്കാനാണ് കേന്ദ്രസർക്കാർ ശ്രമം. കോവിഡ് മാനദണ്ഡങ്ങൾ പാലിച്ചായിരുന്നു ജില്ലയിലെ വിവിധഭാഗങ്ങളിൽ പ്രതിഷേധം. ജില്ലാസെക്രട്ടറി കെ.എ. സക്കീർ മലപ്പുറത്തും ജില്ലാ പ്രസിഡന്റ് ഇ. അഫ്‌സൽ മഞ്ചേരിയിലും സംസ്ഥാനകമ്മിറ്റി അംഗങ്ങളായ തേജസ് കെ.ജയൻ പൊന്നാനിയിലും എം. സജാദ് നിലമ്പൂരിലും വി.വൈ. ഹരികൃഷ്ണപാൽ മലപ്പുറത്തും പ്രതിഷേധത്തിന്റെ ഭാഗമായി.