ശാസ്ത്ര സാഹിത്യ പരിഷത്ത് ജില്ലാ സമ്മേളനം കുറ്റിപ്പുറത്ത്

കുറ്റിപ്പുറം: ശാസ്ത്രസാഹിത്യ പരിഷത്ത് ജില്ലാ സമ്മേളനം മെയ് 14, 15 തിയ്യതികളിൽ കുറ്റിപ്പുറത്ത് നടുവട്ടം എ യു പി സ്കൂളിൽ വെച്ച് നടത്താൻ തീരുമാനിച്ചു ഏപ്രിൽ 13 ന് കുറ്റിപ്പുറം നിളാതീരം പാർക്കിൽ വെച്ച് സംഘാടക സമിതി രൂപീകരണം നടക്കും. സംഘാടക സമിതി രൂപീകരണ യോഗം ജില്ലാ പ്രസിഡണ്ട് ജയ് സോമനാഥ് ഉദ്ഘാടനം ചെയ്യും. ജില്ലാ സെക്രട്ടറി കെ.അംബുജം, കുറ്റിപ്പുറം ബ്ലോക് പ്രസിഡണ്ട് വസീമ വേളേരി, ഗ്രാമ പഞ്ചായത്ത് പ്രസിഡണ്ട് റംല കാരത്തൊടി, ജനപ്രതിനിധികൾ, രാഷ്ട്രീയ സാമൂഹ്യ രംഗത്തെ പ്രമുഖർ എന്നിവർ പങ്കെടുക്കും