പെരുന്നാൾ സുദിനത്തിൽ രോഗികൾക്കും കൂട്ടിരിപ്പുകാർക്കും ഭക്ഷണം വിളമ്പി പെരിന്തൽമണ്ണ ശിഹാബ് തങ്ങൾ ചാരിറ്റബിൾ ട്രസ്റ്റ്

പെരിന്തൽമണ്ണ : ജില്ലാ ആശുപത്രിയിൽ ചികിത്സയിൽ കഴിയുന്ന രോഗികൾക്കും കൂട്ടിരിപ്പുകാർക്കും ബിരിയാണി വിളമ്പി ചെറിയപെരുന്നാൾ ആഘോശിച്ചു പെരിന്തൽമണ്ണ ശിഹാബ് തങ്ങൾ ചാരിറ്റബിൾ ട്രസ്റ്റ് മാതൃകയായി .മുൻവർഷങ്ങളിലെ പോലെ റമളാൻ മാസംമുഴുവനും ആശുപത്രിയിൽ ചികിത്സയിൽ കഴിയുന്നവർക്ക് നോമ്പുതുറ, അത്താഴം,രാത്രിയിൽ ചോറ്/കഞ്ഞി എന്നിവ ശിഹാബ് തങ്ങൾ ചാരിറ്റബിൾ ട്രസ്റ്റിന്റെ കീഴിൽ നടത്തിവന്നിരുന്നു ഇതിനോടനുബന്ധിച്ചാണ് പെരുന്നാൾ ദിനത്തിൽ രോഗികൾ അടക്കമുള്ളവർക്ക് ഭക്ഷണം വിളമ്പിയത് .MLA മഞ്ഞളാംകുഴി അലി, മലയാള സിനിമ സംവിധയകാൻ ജയരാജ് എന്നിവർ ആശുപത്രിയിലെത്തി ശിഹാബ് തങ്ങൾ ചാരിറ്റബിൾ ട്രസ്റ്റിന്റെ കാരുണ്യ പ്രവർത്തനത്തിൽ ഭാഗമായി.